Joan den uztailaren 29an, Gizardatz eta Geroan enpresek eta CCOO, LAB, UGT eta ESK sindikatuek Bizkaiko Esku-hartze Sozialeko VI. Hitzarmena sinatu zuten, eta, horrela, ekainaren 13an lortutako aurreakordioa berretsi zen, bi urte eta erdiko eta 30 bilera baino gehiagoko negoziazio-prozesuaren ondoren.
Gizardatzek gure zeregina bete dugu Mahaian, sektoreko lan-baldintzak hobetzeko eta, aldi berean, sektorearen iraunkortasuna eta garapena bermatzeko ardura bikoitzarekin, eta pozik gaude azkenean hitzarmen berri hau sinatu dugulako. Hitzarmen horrek hobekuntza garrantzitsuak jasotzen ditu Bizkaiko esku-hartze sozialaren esparruan lan egiten duten 2.000 profesional baino gehiagorentzat, eta erabakigarria izan da gizarte-erakundeen konpromisoa.